Thy Fleeing Time Lyrics - Dargaard

[Lyrics by Q. Horatius Flaccus] 

Eheu fugaces, Postume, Postume, 

labuntur anni nec pietas moram 

rugis er instanti senectae 

adferet indomitarque morti; 

non, si trecenis, quotquot eunt dies, 

amice, places inlacrimabilem 

Plutona tauris, qui ter amplum 

Geryonen Tityonque tristi 

Conpescit unda, scilicet omnibus, 

quicumque terrae munere vescimur, 

enaviganda, sive reges 

sive inopes erimus coloni. 

Frustra cruento Marte carebimus 

Fractisque rauci fluctibus Hadriae, 

frustra per autumnos nocentem 

corporibus metuemus austrum. 

Visendus ater flumine languido 

Cocytos errans et Danai genus 

Infame damnatusque longi 

Sisyphus aeolides laboris. 

Liquenda tellus et domus et placens 

Uxor neque harum, quas colis, arborum 

Te praeter invisas cupressos 

Ulla brevem dominum sequetur. 

Absumet heres Caecuba dignior 

Servata centum clavibus et mero 

Tinguet pavimentum superbo, 

pontificium potiore cenis