Autobahn Lyrics - Habediehre - Labrassbanda

I bin auf der Autobahn 

Und denk unterm autofahrn 

Drüber nach was ois passiert is 

Letzte Woch 

So a woch, werd's ihr jetz Song 

De is ned so furchtbar lang 

Vui passiern werd da scho ned 

I sag doch 

Hab an guaden Job verlorn 

Bin dort überflüssig worn 

Aber des aloa hätt mi 

No gar ned gschockt 

Hob scho öfters nei ogfangt 

Was mei arbeit anbelangt 

Und a desmoi hät I's 

Sicher wieder backt 

I geh zur Haustür nei 

S'is erst hoibe drei 

Im flur da riach I scho 

Dass jemand raucht 

Du hast an Nachbarn da 

Er hod mein bademantel o 

A da wer I dann oiso 

Nimmer braucht 

Jetz hoit mi nix mehr auf 

I fahr an brenner nauf 

Lass alles hinter mir 

Wui blos no weg von dir 

Davorn kimmt scho da Gardasee 

Da duads scho blos no hoib so weh 

Vor mir is de Straßen frei 

I dua a laude musi nei 

Und I tritt so fest I kon 

Aufs Gaspedal 

Wui soweit wia möglich naus 

Aus dem ganzn Irrenhaus 

Und wohi's mi dann verschlogt 

Des is mir scheißegal 

Bei der ganzen raserei 

Ziang de letzten jahr vorbei 

Und de san gar ned 

So zwider gwen 

Es warn a schlechte dog dabei 

Ja des muaß hoid a moi sei 

Aber insgesamt betrachtet, war I 

Schon sehr zufrieden 

Vor ned allzulanger Zeit 

Ja, da war I dann soweit 

Hob mirs geid scho glieha 

Für an scheena ring 

Doch den brauch I woi ned mehr 

Denn der Herr vom hochparterre 

Hod bei derer gschicht 

Jetz a die finger drin 

Du warst ned a moi schockiert 

So ois war gar nix passiert 

Hast ganz lässig reagiert 

Als obs di gar ned intressiert 

I hob mi deischt am Gardasee 

Es duad woi no a zeitl weh